› 選擇地區
三藩市
紐約
洛杉磯
其他美國地區
香港 台灣 北美
 
2019年02月24日

羨慕黎諾懿湊仔
苟芸慧造人:努力緊

苟芸慧坦承努力造人,但擔心有壓力。

苟芸慧與黎諾懿昨日到清水灣出席親子活動,席間黎諾懿大談湊仔經,令去年新婚的苟芸慧羨慕不已。揚言要生四個的苟姑娘,笑言未成功造人前,玩住其他人的BB,她說:「我都有個姪仔,所以都知道小朋友比較活躍,現階段只可以玩人哋嘅小朋友。」黎諾懿鼓勵苟姑娘趕快生仔,她說:「我見啲姊妹都會帶埋小朋友出嚟,𠵱家努力緊,唔好畀壓力我。」

先輔導老公

母愛爆棚的苟姑娘心急追B,不過老公陸漢洋就想過二人世界,曾表示最理想是三年後生老虎仔,所以她要輔導老公,讓他做足心理準備,才迎接小生命。今年初,玄學家麥玲玲批苟姑娘子女緣厚,命格屬「多仔婆」,明年更易懷孕。

黎諾懿昨日未有帶兒子小春雞現身,他指囝囝早前發高燒:「唔係流感,所有醫生話唔知乜原因,只係發咗三日高燒,好彩第四日準備入院,佢就退燒,如果我個仔嚟應該會掃場,佢比較活躍。」黎諾懿又笑言帶兒子工作會分心:「有時同朋友食飯飲嘢,如果我帶住個仔,會完全進入一個集中模式,我會聽唔到其他人同我講嘢,因為我怕個仔整親,如果整親個仔,我怕會返唔到屋企,𠵱家個仔學打觔斗,點知撼親個頭,腫咗少少。」
採訪、攝影:黃曉妍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載