蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年03月15日

【姐匙Talk】祖傳二萬元買底衫

35,744

「祖傳」細細個就喺片場打滾,可以話見盡世態炎涼。到佢紅極一時,喺東南亞真係好多人鍾意佢儍儍大細路嘅性格,加上敏捷嘅身手,贏得唔少人喜愛。不過自從佢近年搵人仔,加上唔少負面新聞,所以佢都少咗喺香港現身。
祖傳以前仲未咁不受歡迎嗰陣,喺片場都幾可愛,仲有好多逸事。有次祖傳拍戲,因為多動作鏡頭,佢就出晒汗,但係佢又有潔癖,所以每次都會準備好多底衫做替換。點知嗰次可能NG得多,唔夠底衫換,佢叫咗個新嚟嘅司機幫手去買底衫。祖傳順手就畀咗一大叠金牛,大大話都有成兩萬幾,個新司機心諗買幾件底衫要唔要咁多錢?當佢去到中環置地間舖頭時,就同啲職員講祖傳訂咗衫,職員就話:「係呀,呢度十件衫,已經打咗折。」司機先知嗰叠錢只係夠買十件,計落都要二千元一件。

送梳化畀搬運工

又有一次祖傳拍完戲,要啲搬運幫手搬走啲道具返自己個倉。有位搬運工見到張真皮梳化好靚,就多口講句:「呢張梳化襯晒我屋企。」咁啱畀祖傳行過聽到,佢就話:「兄弟,係咪啱用?係就搬走。」搬運工梗係唔敢要啦,點知祖傳就攞把𠝹刀出嚟話:「一係你攞走,一係我𠝹爛佢。」最後位搬運工就多咗件價值兩萬幾嘅真皮梳化喺屋企。
撰文:Jessie
本欄逢周五刊登

【姐匙Talk】
我姐匙縱橫歌影視幕後,咁多年嚟冷眼旁觀,娛樂圈大小事都走唔過我雙眼,真係頂唔順要爆啦!歡迎大家嚟剝花生。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載