蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年03月21日
馬上成為壹會員

葉童讚演得平實
阿Sa忙揀金像獎戰衣

身為影后級人馬的葉童直言,得獎有時要看評審的口味。

蔡卓妍(阿Sa)、葉童、吳浩康(Deep)與導演曾翠珊,昨日齊齊現身演藝學院伯大尼校園,為電影《非分熟女》舉行分享會。其間,葉童大讚阿Sa演活角色:「佢可以拋開美女包袱,而且好平實咁演呢個角色,本身個角色可以好浮誇,但係佢真係控制得好好。」

自嘲非美女

被前輩大讚,在葉童身旁的阿Sa即笑謂:「因為我唔係美女嘛!」提到金像獎如箭在弦,獲提名最佳女主角的阿Sa說:「唔係你有信心就可以攞獎,冇信心都可以攞到獎,所以唔關事。」已經是影后級人馬的葉童,坦言要奪得電影獎項與歌唱獎項都特別難,她說:「唔同跑步,邊個去到終點就係贏,要視乎你遇到邊種評審,而且次次評審都唔同。」

片中Deep飾演阿Sa的丈夫,故事講述阿Sa結婚多年一直和丈夫沒有性生活,最終離婚收場,直至她邂逅片中由吳慷仁飾演的型男廚師家豪,生命從此改變。事實上,此片焦點早已放在阿Sa身上,電影預告片已經相當有睇頭,除了有全裸背着鏡頭坐在浴缸沖涼,還有她穿上性感舞衣大跳鋼管舞,少不了的當然有她和吳慷仁的激情親熱場面,連跟阿Sa首次合作的吳慷仁,都大讚她演技相當好。

越少布越貴

與阿Sa同公司兼老友的Deep,表示無論如何都會支持她,阿Sa則表示心情未因金像獎越來越近而緊張,反而近來為當晚揀選戰衣十分忙碌。她說:「攞唔攞獎都要好睇㗎,呢排借衫,大家都以為我係借去金像獎,啲款真係勁到不得了。𠵱家啲衫,越少布仲越貴,真係好唔抵,有啲款,我直頭覺得出面點會有人買㗎?成條底褲露晒出嚟喎。」
採訪:盧妹
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載