› 選擇地區
三藩市
紐約
洛杉磯
其他美國地區
香港 台灣 北美
 
2019年04月03日

蔡卓妍收埋男友
阿嬌性感唔使問老公

阿嬌表示工作上行性感不用問准老公賴弘國。

蔡卓妍(阿Sa)、吳慷仁、郭奕芯、談善言及劉永等前晚到九展,出席主演的電影《非分熟女》首映禮。容祖兒和鍾欣潼(阿嬌)結伴到場為好姊妹阿Sa打氣,不過阿Sa的男友石恆聰卻無影,阿Sa坦言因現場人多關係,就算低調入場估計亦避不過,所以索性缺席。對於之前被影到和男友拖手,她說:「嗰啲係唔小心、唔好彩,公開場合唔得㗎!佢會好驚。」

沒有票房壓力

阿Sa憑《非分熟女》提名今屆金像獎最佳女主角,台灣影帝吳慷仁也直言首次拍港片沒有票房壓力,全因有阿Sa在,他說:「阿Sa是一個令人很安心的演員,每天看到他們很專業,很有效率。」阿Sa亦大讚吳慷仁:「佢唔係淨係嚟拎片酬,或者食個飯盒、做明星,佢係一個會做好演員本份嘅人。」吳慷仁即以廣東話說:「多謝你,我聽得明。」

對於吳慷仁的讚賞,阿Sa笑言因有傳媒在場:「唔通踩我咩,其實冇壓力,因為曾經試過好大壓力,變咗好多嘢都做唔到,人大咗最好就係有智慧去紓緩壓力,可以諗到方法去解決,呢個係成長最好嘅地方。」

搵定地方慶祝

另外,祖兒睇好阿Sa會得獎,已經在找慶祝場地,祖兒說:「我同公司上下都睇好阿Sa攞影后,所以搵緊地方慶祝。」戲中阿Sa與吳慷仁有情慾激戰戲,亦有好多性感場面,問到祖兒會否接拍這類戲?她笑說:「佢咁性感,同我敢唔敢拍係兩回事,我唔得㗎!我演技只限於卡通片同一級片,突然之間難度咁高,我搞唔掂,顧得頭又顧唔到表情,我都係唱番歌。」

阿嬌則表示遇到好題材可以性感,但沒想過要得到老公賴弘國的批准:「工作箒!理得佢吖!接到一個角色唔係咁容易,下下say no就唔使做嘢。」早前她原本相約好姊妹去旅行,但老公不准而要「放飛機」,阿嬌笑說:「做嘢唔可以咁樣,如果下下係咁,不如唔好做。」老公有否要求你只做家庭主婦?她說:「有講過,但係如果我冇工作,我喺屋企會好悶,我𠵱家玩緊手機遊戲,要花99美元(約772港元)買道具過關,玩咗半個月,成千元一日,唔係好掂。」
採訪:黃曉妍
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載