› 選擇地區
三藩市
紐約
洛杉磯
其他美國地區
香港 台灣 北美
 
2019年04月03日

腕錶回敬老公 莫文蔚每年收戒指

莫文蔚昨日全身行頭130萬元,表示曾買六位數字腕錶獎勵自己。

莫文蔚昨日與林建岳女兒林恬兒、呂志和孫女呂嘉瑩與朱熺暘(Rene)等,於銅鑼灣出席珠寶鐘錶品牌酒會。莫文蔚表示自小已有戴錶習慣,現時戴錶主要用來配襯衣服,又自爆曾買下一隻價值六位數字的腕錶獎勵自己。

明年全年玩

問莫文蔚以前的男友會否送錶作禮物?她說:「反而係我送畀老公,佢唔捨得買嘢,之前見到隻錶好man,覺得好啱佢,佢都成日戴住。」她又謂老公自結婚後,自創了每年送戒指作禮物的習慣,她透露今年踏入結婚八周年,問她是否安然度過七年之癢?她笑說:「係呀,冇癢,好sweet,仲好似拍拖咁,因為成日走埠,小別勝新婚,出年還番一整年畀佢,我哋遠走高飛。」問到之後會否減產?她說:「唔會,我好多創作嘅嘢,會搞音樂劇、出碟,仲會同哥哥搞電影,都喺度密謀緊。」她還透露音樂劇會是全新創作,並鎖定找人氣歌手華晨宇演出一角,她說:「因為拍內地真人騷同華晨宇friend咗,好鍾意佢唱歌,好入戲,同佢講咗音樂劇預咗佢。」

恬兒開公司

同場林恬兒為了下一代,創辦投資公司並希望回饋社會,她說:「我開咗投資公司,想話畀人知我係認真做嘢嘅人,回饋社會,做一個企業家。」育有一對子女的她謂家庭永遠放首位,她說:「小朋友仲細,最緊要小朋友先,工作排第二,家庭永遠第一,𠵱家做嘢都係為小朋友嘅未來。」又謂老公十分支持她,她說:「佢係好成功嘅投資者,佢畀好多誠懇嘅意見我,𠵱家train緊我,想我自己做到投資。」考慮再生小朋友?她笑說:「我好開心有一仔一女,唔排除生第三個,遲啲先,𠵱家非常好,順其自然,plan唔嚟,自己都未ready,𠵱家好開心。」

眼鏡設計師Rene的格言是永不放棄,問到前緋聞男友向佐求婚成功,她笑言會跟向太查問,她說:「梗係會恭喜佢,同佢咁耐朋友,祝佢幸福,生多啲。」
撰文:羅慧敏
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載