蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月12日
馬上成為壹會員

阿Sa未跟張繼聰夾頒獎稿擔心
鍾楚紅同花溝通種得靚

紅姑惜花,笑言鍾意種花及與花溝通。

鍾楚紅、蔡卓妍(阿Sa)和陳凱琳昨晚到柴灣出席汽車活動,阿Sa今年憑電影《非分熟女》提名金像獎最佳女主角,頒獎禮於後日舉行,被問到信心如何?阿Sa說:「唔關信心問題,我一直都只抱平常心,反而嗰晚我要做頒獎嘉賓,會同張繼聰一齊頒女配角獎項,但係稿都未搞掂,因為今次唔係照讀就OK,大家都未出嚟夾份稿,我有少少緊張。」

即興到外地賞花

近年生活養尊處優的紅姑,早前與友人赴日本旅行賞櫻花,她笑說:「𠵱家好好生活中,3月去咗東京、京都賞櫻花,我哋都好即興,知道邊個地方有櫻花就即刻去。」事實上紅姑向來都是愛花之人,經常在香港被捕獲出入花店,她說:「去到唔同國家都會搵公園睇花,接觸大自然同大花園好開心,最想去嘅地方係偏遠啲嘅南美洲,因為未去過,我覺得當地植物特別靚,地理環境唔同,好鍾意種花同啲花溝通,我明白了解佢哋嘅需要,所以每次種出嚟都好成功,我覺得我鍾意同動植物溝通,好有耐性。」笑稱追求者可以以鮮花攻勢奪芳心,紅姑笑說:「你唔見我成日收好多花咩?」

陳凱琳計劃換車

產後復出的陳凱琳表示由二人世界變成三人家庭,與老公鄭嘉穎商量過後,有意換七人車,她說:「𠵱家老公架跑車係兩座位,有時都幾尷尬,同屋企人食完飯送唔到佢哋返屋企,我會同奶奶講,不如一齊搭的士,不過𠵱家BB仍然好細,唔多出街,仲有時間考慮。」她笑稱自己在香港已多年沒有駕駛,一直做乘客。
採訪:卓寶花
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載