› 選擇地區
三藩市
紐約
洛杉磯
其他美國地區
香港 台灣 北美
 
2019年04月12日

古巨基紅館騷唔怕再跌落大窿

古巨基一連四場演唱會,昨晚揭開序幕。

古巨基「WE我們世界巡迴演唱會—香港站Part 2」昨晚於紅館舉行頭場,三面台全場爆滿。黃子華、周慧敏、倪震、陳敏之及蔡一智到場睇騷,容祖兒則是首晚表演嘉賓。演唱會於晚上8時40分開始,基仔身穿全身銀色閃閃歌衫現身,他坐在銀色時光機在半空唱《爆了》出場,然後他唱出《夢中人》及《必殺技》。

去年基仔在紅館開part 1時,有一晚唱完《爆了》之後不慎跌落舞台中心大窿,後來發現弄傷了頸部。基仔昨晚舊事重提:「上次有少少意外,就係呢個窿(手指舞台),今次個台闊好多。」基仔表示今次開騷獲不少粉絲關心:「今次開part 2最多人叫我唔係good show,而係叫我小心啲,睇住個窿。所以希望大家提提我,將你哋嘅擔憂講出嚟,想借大家聲音大叫:『睇路呀靚仔』。」然後觀眾照做,逗得基仔大笑:「好低B,竟然有人喺紅館咁做。」

檢查所有機關位

其實基仔今次都十分小心,昨日開騷前基仔在紅館拜神,他表示前晚總綵排時已經特別小心所有機關位,連細微位都逐一排一次,結果排到凌晨4時。基仔表示今次連舞台側邊視線受阻位都應要求推出發售:「好多歌迷都明知視線受阻都即刻去買飛,為咗答謝佢哋咁支持,我會行多啲過去同佢哋握手。」
採訪:曹家誠
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載