› 選擇地區
三藩市
紐約
洛杉磯
其他美國地區
香港 台灣 北美
 
2019年04月15日

【馮仁昭四圍超】
娛樂公司欠租被貼大字報
顧問林敏驄:又關我事?

林敏驄喺賀歲片《如珠如寶》身兼編導演三職,該片就係冠軍娛樂出品,而創作歌手曹震豪上年3 月曾喺微博貼出喺冠軍娛樂嘅辦公室幫阿驄慶祝生日兼留言:「@ 林敏驄,生日party 暨冠軍娛樂soft-launch ,祝大師生日快樂,新公司大展鴻圖!」

公司登記未結業

其中一張相,見到櫃入面放咗阿驄嘅音樂獎座、牆上又有佢嘅大相。根據公司註冊處紀錄,冠軍娛樂有限公司未結業。馮仁昭日前上過去觀塘冠軍娛樂,發現公司重門深鎖,似係人去樓空,公司玻璃門就俾管理處貼追租告示,因為公司係四個相連單位,據知每月租金總數約57,220 元,管理處指簽咗三年租約,但租咗一年就搬走兼欠租幾個月。

阿驄日前回覆否認係老闆:「吓!又有我份,咁又關我事?嗰間公司唔係我㗎,我幫佢哋做顧問,兼職接job 拍吓嘢,《如珠如寶》都拍完啦,叫好叫座,我又拍緊第二套,部部電影都唔同老闆,佢哋租約嘅嘢,我唔清楚,你哋問番佢哋。我只係幫佢哋搞創作,租約唔係我簽,我又未見過張租約,月租幾錢都唔知。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載