› 選擇地區
三藩市
紐約
洛杉磯
其他美國地區
香港 台灣 北美
 
2019年04月21日

坤哥紅館騷晒肌 JW猴擒抽水

坤哥前晚在紅館開騷,不斷嗌好熱乘機晒肌肉。

吳業坤前晚在紅館舉行一場三面台的「小句號演唱會」,獲蕭正楠、歐陽震華及樂易玲等捧場。穿上鮮紅色衫的坤哥,吊在半空舞台獻唱,他表示演唱會以小句號為主題,並非代表今後要退出,而是宣告人生的舊章節畫上句號,將展開新一頁。

相關新聞:Aka開騷感動獲親友支持

感謝側田

首位表演嘉賓側田,獲坤哥感謝每次開騷都給予幫忙,側田說:「我一定要幫有實力嘅人,但你瘦咗咁多嘅?變咗偶像派。」坤哥笑稱自己一直是偶像派。跳舞環節由MIRROR負責,與坤哥狂歌熱舞演出《今期流行》,然後再讓MIRROR逐一向觀眾打招呼,送走眾人後,坤哥笑說:「佢哋走咗,可以望番我,原來樂小姐都喺度,我仲叫咗ViuTV嘅人嚟,你唔介意?死啦!佢好似好鍾意。」

之後坤哥表演苦練多時的舞步,跟幾位dancers在台上鬥舞,跳到喘氣的他,拉起衫角大叫:「好熱,有冇人幫我吹吓風扇,真係好熱。」然後拉起背心露出腹肌。最後一位嘉賓是王灝兒(JW),兩人拖手合唱後,JW笑對坤哥說:「大家睇佢肌肉,但我未摸到,可唔可以除一除畀我睇吓。」隨即出手解開坤哥衫鈕,摸他的腹肌。完場前,剛踏入29歲的坤哥要求觀眾唱生日歌。

影雄風相

坤哥之後受訪,坦言事前擔心票房:「怕冇人買飛,但出場見到咁多燈牌就好安心,如釋重負。」問到有否邀請所有女朋友到場?他笑稱全部都有請,坐得在台下的都是最愛,至於緋聞女友趙慧珊(Aka),他表示對方因工作缺席。提到JW當眾除他衫摸腹肌,坤哥笑言:「估唔到佢咁猴擒。」之後又自爆:「噚晚綵排時影咗一輯唔着衫嘅雄風相,之後會逐張畀大家睇,我會繼續保持𠵱家嘅弗爆身形。」
採訪:曹家誠
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載