› 選擇地區
三藩市
紐約
洛杉磯
其他美國地區
香港 台灣 北美
 
2019年05月02日

《造星2》百萬獎金或取消
MIRROR做評判揀師弟

MIRROR成員(左起)Ian、姜濤及Lokman自《全民造星》出身,昨日齊齊現身揀師弟。

由ViuTV舉辦的選秀節目《全民造星》去年捧紅姜濤後,今年再次打造《全民造星II》,昨日MIRROR、劉美君和郭偉亮等在九龍灣出席公開招募及面試活動,大會更安排逾30位參加者進行面試。

導師嘲參賽者

《造星》監製黃慧君(花姐)透露下月開始比賽、節目於9月播放,12月舉行決賽。至於去年現金獎100萬元,花姐有所保留:「同上年唔同,總之冠軍會有獎勵,模式唔同咗。」第一季導師劉美君、郭偉亮及火火宣佈繼續留任導師。劉美君預告:「今年會忍住唔喊,冇面部表情,今年主動問我嘅就會幫,自己唔使咁勞心。」而MIRROR亦升呢做面試評判,隊長Lokman即場給參賽者貼士,他說:「信心好重要,做好準備工夫,無論表演同說話,表演自信越大,評判對你印像越深。」

昨日大部份參賽者以歌舞上陣,率先接受面試的吳啟洋表演跳電子舞及清唱,但跳舞後氣喘不已,遭火火譏諷:「你走音,不過你有胸肌,希望你可以補救。」另一參賽者張子衡清唱幾句後,被火火狠批木無表情。劉美君也批評:「唱歌時頸以上完全唔郁,又成日轉key,我唔知你有音樂係咪會跟到,但勸你避免唱歌。」

參賽者中還有曲赤、影壇新人劉頌鵬及王祖藍表弟李俊華(孖八),劉頌鵬上台後因站不定而被花姐嚴斥,花姐問他是否受女性歡迎,他說:「男仔會多啲。」劉頌鵬在跳舞環節使出健康舞舞姿,蝦碌搞笑。

睇中祖藍表弟

孖八自稱是街舞者,表演自彈自唱時被批造作,再清唱祖藍的《跌落凡間的天使》時,花姐指容忍有限度。孖八稱曾參加過亞視星光大道及參演電影《狂舞派》,去年因被邀到內地參與節目《熱血街舞團》而錯失參加《造星》機會。之後孖八表演跳舞,花姐說:「我真心鍾意佢呀!」此外,即場招募反應熱烈,但質素參差,有凸腩大叔、頭髮凌亂金毛男、矮小哨牙男都來參加,令場面似足諧星選角。

採訪:卓寶花
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載