› 選擇地區
三藩市
紐約
洛杉磯
其他美國地區
香港 台灣 北美
 
2019年05月11日

【娛樂人物】教女拒追求物質
余曉彤孖囡囡 親親大自然

余曉彤(Hidy)和任職消防員的老公Willian育有三歲囡囡劉穎依(Willa),由於父母同是潛水愛好者,所以囡囡都受到薰陶。Hidy近日在赤柱開了潛水中心,她日前就帶了Willa去玩近年大熱的站立式划槳(SUP),實行母女一同出海親親大自然。
撰文:比華利
攝影:林德雄

余曉彤表示囡囡Willa的中文名諧音叫「劉泳衣」,指她從小不怕水,正學游水的Willa還會貪玩潛入水底拾東西。

認識海洋

母女一齊玩SUP,原來還有一個環保小任務,Hidy說:「如果Willa見到水面有垃圾,佢會發揮小勇士精神執咗佢帶番岸上掉,佢會話『水面唔可以有垃圾』,我好希望培養小朋友認識海洋,海洋係我哋屋企,有垃圾就污染咗。」原來母女是海洋清道夫,當Willa聽到媽咪講「執垃圾」時反應好大,她立即加把口:「唔可以掟喺海,垃圾要放喺垃圾桶,我去執垃圾先。」

拍攝當日,的確有不少垃圾沖上岸,海上也飄浮了一些垃圾,Hidy說:「好多垃圾都唔係本土嘅,應該係外面飄入嚟,當中有啲係膠樽,亦有簡體字嘅即食麵袋。」其間,Willa不停催促媽咪快快落水行動。

甚少打罵

已為人母三年,Hidy表示自己甚少打罵囡囡:「我喺街度鬧佢,我尷尬時,佢都會尷尬。我希望同佢sharing多啲,小朋友曳係因為佢唔識。」

Hidy希望伴着囡囡快樂成長,讓她自由選擇,問到Hidy可會變怪獸家長?她說:「香港始終壓力會push到小朋友,可能我都會變少少怪獸家長,但盡量唔會,我會㩒住自己,畀囡囡接觸多啲大自然嘢。人生可以好簡單,唔係一定讀名校,唔一定追求名車同豪宅,其實對住個海已經好開心,我會盡量唔畀囡囡太多物質。」
化妝:Emma of EM Make up

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載