蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月14日
馬上成為壹會員

【爆相爆片】
謝安琪帶兒子 搭馬鐵身教

謝安琪(Kay)之前停工幾年做湊仔婆,張繼聰因為事業起飛搵到錢,足以照顧一家生活,不過搵到亦唔一定要大使,生活都可以好平民化。舊年全面復工嘅Kay,雖然貴為一線歌手,但同普通人一樣都會搭公共交通工具。日前就有讀者報料見到佢同11歲大仔張瞻搭馬鐵,因為張瞻當時着住附近私立學校嘅校服,所以估當時Kay係湊仔放學。

英文溝通

《蘋果》讀者梁太透過「爆相爆片」,直擊日前接近中午,化咗淡妝同紮起頭髮嘅Kay同囝囝喺馬鐵綫嘅馬鞍山站上車,梁太話:「謝安琪喺月台個路綫牌同個仔一邊講、一邊手指指,可能教緊個仔點搭車。我聽到佢哋兩母子多數用英文交談,有個fans認到謝安琪,主動搵佢合照,佢都好nice咁同個fans自拍。」

梁太仲話Kay同囝囝上車後,雖然車入面有好多座位,但佢哋兩母子都寧願企都冇坐低,仲用手機玩自拍,其間張瞻捉住車廂扶手轉嚟轉去,又似係學緊爹哋張繼聰玩健身,張瞻同媽咪講:「我好似爹哋呀!」梁太又話:「冇幾耐有位老伯伯上車,張瞻主動叫伯伯坐,不過嗰位伯伯話唔使。之後老伯伯話謝安琪同個仔好似樣,又問張瞻讀幾年班,張瞻就答話自己讀中一,張瞻睇落都好有禮貌、好乖、好有家教。」最後Kay同囝囝就喺大圍站落車。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載