› 選擇地區
三藩市
紐約
洛杉磯
其他美國地區
香港 台灣 北美
 
2019年05月15日

【娛樂人物】劉天蘭 人生勝利組

劉天蘭讀書時兼職女模,之後選美冠軍、返港拍劇、唱歌,再做製片、雜誌編輯、形象指導,以為與岑建勳離婚是瑕疵,卻培養出多才多藝女兒岑寧兒,與前夫一直是友好關係,61歲人生滿是色彩。
撰文:余燕儀
攝影:沈健程

劉天蘭是岑建勳前妻,也是歌手岑寧兒的媽咪。生於書香世家的劉天蘭,父母都是文化人,遺憾是父親早逝,她說︰「爸爸喺我四歲時遇撞飛機意外過身,媽咪好能幹,將我哋三兄妹帶大。」16歲時,劉天蘭到加拿大讀傳理系,主修電影,胞兄在當地做廣播工作,她就在哥哥節目幫手︰「我讀中學已經對住鏡頭報新聞。溫哥華第一次搞選美活動,我去採訪,第二年向我招手,我膽粗粗參加咗兼攞埋冠軍,當時自信心爆棚。」

做芳芳助手

讀書時劉天蘭兼職做model、化妝師,20歲獲選溫哥華華埠小姐冠軍,由選美開始,卻由幕前走到幕後。劉天蘭獲選美冠軍後放暑假返港,簽約無綫開始演藝生涯,拍過《網中人》、《京華春夢》等劇集,又跟林子祥合唱《三人行》,其後做過電影副製片、雜誌執行編輯、演藝人協會副會長及秘書長、形象及服裝指導,「我好lucky,一個世伯介紹我認識蕭芳芳,佢要監製一部戲《撞到正》,我做咗佢助手,負責統籌、記錄,同時演一個角色,之後發咗癲咁鍾意電影,想返去讀埋個學位,同TVB提前解約。」

劉天蘭於暑假返加拿大繼續學業,編劇陳韻文就找她到三藩市,為譚家明電影《愛殺》做副導演;畢業後新藝城向她招手,為徐克《鬼馬智多星》做第二副導演。80年代,劉天蘭由電影轉去做雜誌執行編輯,更為藝人做形象、唱片封套。她說︰「我冇學過設計,但原來有天份,印象最深刻係幫張國榮做京劇花旦造型,呢個雜誌封面係經典,嗰陣佢未拍《霸王別姬》㗎。」

工作上一帆風順的劉天蘭,感情卻觸礁,26歲嫁給岑建勳,同年誕下女兒岑寧兒,但婚姻四年就玩完︰「啱key嘅開始,走音嘅結束!係我主動提分開,30幾年了,同前夫仍然好好朋友。」

擊退脂肪肝

活到61歲,去年開始認真做運動養生︰「年輕時好瘦,但過咗50,甲狀腺出現問題影響新陳代謝,買衫唔得心應手,唔精神更唔爽,於是舊年1月開始做運動,減咗23磅,𠵱家140幾磅,連脂肪肝都冇埋。」
場地提供:Eaton HK

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載