› 選擇地區
三藩市
紐約
洛杉磯
其他美國地區
香港 台灣 北美
 
2019年05月15日

【馮仁昭四圍超】Andi挖苦卓林 警告分手

成龍同吳綺莉嘅女兒吳卓林舊年11月喺Ig突然公佈婚書,宣佈同外籍網紅女友Andi已經喺加拿大結婚,強調結婚證書具法律效力,仲話已經戰勝恐懼,追尋幸福,佢哋亦不時喺網上晒恩愛,至前晚Andi突然喺Ig用英文留言,內容疑似係鬧吳卓林唔長進:「我討厭我仍然激勵你,我希望你好,但你甚至不試着做自己。你還有自己嗎?當我無家可歸拋開一切的時候,我的心讓我定下來,所以我找到自己的方向,弄清楚你是怎樣的人。你稱你自己是豬,但你不想像我們一樣飛翔嗎?積極向上吧,不要老是跟在我屁股後面找答案。」最後佢仲話:「不要再管我了,最後說再見好嗎?」

日前先晒恩愛

事實上前幾日Andi曾經喺Ig晒合照兼留言:「好攰,一直說話到天亮,這是我們深夜的記憶,今晚很開心。」所以未知今次Andi的留言是否嫌棄卓林要撇甩佢。噚日有嘗試搵過卓林,但佢未有回覆。

可以話卓林同Andi婚姻之路好難行,先係因為欠租而驚動警方,最後要媽咪吳綺莉幫助代繳,今年3月,吳綺莉又再報警,話有人喺油麻地某單位內被反鎖喺屋內,擔心有人遇害,警方同消防員趕到嚟先發現係虛驚一場。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載