› 選擇地區
三藩市
紐約
洛杉磯
其他美國地區
香港 台灣 北美
 
2019年05月21日

袁偉豪惜花贈張寶兒

袁偉豪兩年前拍攝旅遊節目《打工捱世界II》同張寶兒撻着,雖然只係拍咗拖兩年時間,不過身邊朋友已經催婚。日前,袁偉豪喺跑馬地買花送女友,不過佢就澄清唔係用嚟求婚,只係製造生活情趣。當日袁偉豪被記者發現同女助手喺銅鑼灣某個商場食晏,食咗大約一個鐘就埋單,跟住轉場到樓下嘅酒吧繼續吹水。袁偉豪叫咗杯紅酒同小食,兩個人傾咗大約兩個幾鐘,差唔多天黑至走,再一齊行去時代廣場入面一間花店,想買花但唔啱心水,佢就同助手分道揚鑣。

拍拖要調劑

之後袁偉豪去停車場攞車揸車去跑馬地一間花店,見佢問咗店員幾句,就好專心揀花,冇耐就捧住一大紮鮮花行出嚟。問佢買花送畀邊個?佢個樣有啲尷尬仲口窒窒,再追問至話:「冇呀,送畀朋友之嘛。」佢又再話:「我成日買花送畀朋友,同埋呢間花店包裝得幾靚,所以買啲花,我成日都咁做。」問到收花嗰位朋友係咪圈中人?最後佢至話:「咪寶兒囉!」不過一講完佢又煞有介事澄清:「唔好誤會,唔係求婚。我成日都會耐唔耐買紮花,拍拖都要調劑吓嘅,係咪?普通買紮花送畀女友,唔係乜嘢特別日子。」
採訪、攝影:徐錦池、畢紹基

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載