蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月24日
馬上成為壹會員

【add名人時尚】父親節唔送禮
陳凱琳兒子剪髮留作紀念

陳凱琳昨日出席活動時,有興趣自製家庭裝。

陳凱琳昨日與李美琪在旺角出席品牌活動,陳凱琳即場為粉絲印製名字卡片套,她笑言印有名字的私人禮物特別有意義,更希望可以設計家庭裝,她說:「有朋友有送印咗mommy' s boy、daddy's little king嘅衫仔畀BB,但係佢着咗daddy's little king,第二日就要着另一件,遲啲都想製家庭裝。」

三個月大定性

早前首次以母親身份過母親節,陳凱琳說:「第一個母親節特別有意義,都係簡單喺屋企食飯,BB太細個未出得街,佢好乖,剛滿三個月,定性咗,冇喊咁多。」問到老公鄭嘉穎有否送禮物?她說:「冇呀,佢有問我想要乜,我諗唔到,𠵱家已經好滿足,母親節係仔送禮物畀媽咪,佢乖已經係一份大禮。」又笑言幸好沒有要求禮物,否則下月父親節自己要傷腦筋。陳凱琳又謂前日替囝囝剪頭髮,兩公婆怕弄傷愛兒,故邀請了髮型師操刀,她更即時用袋收藏頭髮留念,被嘉穎嘲笑:「使唔使呀?」

李美琪嫌撞名

李美琪正在拍攝ViuTV劇集《Me too》,是一部以辦公室性侵案作題材的劇集,李美琪自言幸運未遇過不幸事件,她說:「我細個有名叫鐵沙掌同男人婆,男仔唔會吼,會當我係兄弟。劇入面我嘅上司涉及性侵,我都有經歷其中。」她又開心可以拍劇時集郵梁漢文、張慧儀。李美琪又提到有改名打算,她說:「我有睇相,都想改個名幫到事業。不過𠵱家隔幾年就有一個美琪出現,我發覺『美琪』係永恒不死,師傅話我屬金,但要再多啲金,金係咪代表金錢?我都想賺多啲錢。」
採訪、攝影:羅慧敏

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載