蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月25日
馬上成為壹會員

【娛樂人物】與3個女人育有6子女
湯鎮業愧對私生子

60歲的湯鎮業至今經歷四段情,除了年輕時女友翁美玲香消玉殞,藝人前妻姜坤、內地女友、現任妻子鄒文靜都分別為他生兒育女,三頭住家三子三女,生活費高峯期每年要500萬,堪稱非常父親。

眾多子女中,最窩心的當然是與現任妻子生的兩個寶貝女甜甜及圓圓,但令他最牽腸掛肚的,卻是與內地女友生的私生子君隆,他特別珍惜兩父子的相聚一刻︰「對佢我感到委屈、虧欠。」
撰文︰祖李
攝影︰郭賢興

相關新聞:爆阿苗攞200張劉華飛

湯鎮業談起子女,眼神特別柔和,一臉慈父相。他說因為工作忙,與子女相處時間不多,尤其與前妻姜坤生的一對孖仔更代溝重重,反而與內地女友的私生子君隆關係似遠還近,雖然細仔跟隨母親住在廣州,但他一有時間,或到附近工作及登台,都抓緊機會與囝囝相聚。

談到私生子時,湯鎮業欲言又止,似有難言之隱︰「其實我都覺佢委屈,對佢有虧欠,所以會盡量安排同佢見面,反而同呢個仔溝通多過兩個大仔,佢剛剛大學一年級,讀書幾好,我呢個仔就留番喺內地讀大學。初時都想送佢去加拿大,但諗諗吓都係留番喺廣州,等佢可以陪吓媽咪,加上唔係外國嘅月亮一定圓,𠵱家中美關係咁緊張,我哋冇必要去人哋地方睇人面色箒。」說到底,其實是不想與兒子相隔太遠。

同孖仔有代溝

湯鎮業直言與前妻生的一對孖仔君慈及君耀今年24歲,因為受外國教育,加上自小嬌生慣養,兩代間有鴻溝︰「兩個孖仔私生活我好少過問,同佢哋真係有代溝。佢哋生活自理好有問題,細個因為乜都菲傭搞掂,去到外國大女就做阿四,照顧兩個細佬,所以兩個仔唔識環保、珍惜,全屋啲燈全部開晒,又唔做家務,次次返香港同佢哋住我都一肚火,睇乜都唔順眼,唉!話多兩次都唔話,冇氣!所以去外國留學冇話一定好,除非你去到哈佛咁頂尖,否則都未必用得着。」

承繼父親演藝細胞,湯鎮業25歲大女愛嘉於內地歡樂傳媒做發行工作,專責買外地片安排內地網站播出,而孖仔則簽約甄子丹旗下闖娛樂圈。他坦言對兒子前途擔心,雖然他在內地人面廣,但現在巿場競爭大,他覺得一定先打好底子才有機會發圍。
湯鎮業說︰「囝囝媽咪同子丹太太好熟,反正咁大間公司,子丹又係一個品牌,冇壞嘅!不過工作上我就唔方便管咁多。我都希望佢哋喺呢三年有啲成績,所以我苦口婆心,勸佢哋乜都要學,先要將國語學好。內地巿場係大,但你一唔掂就即刻換人,冇情講!」

相關新聞:與鄭則仕鬥眼神

孖女能歌善舞

至於與現任妻子生的孖女現年10歲,能歌善舞,藝術天份很高,更經常與爸爸齊齊上綜藝節目,毫不怯場,小小年紀已有豐富演出經驗,他大讚太太教女有方︰「平時兩個女兒係隔開養,佢哋會輪住喺外婆家住,放假至一齊,因為佢哋黐埋會好唔專心,尤其考試前一定要各自溫習。

「教育方面,我太太真係教得好好,睇電視、電腦對佢哋係奢侈品,佢哋只係會去圖書館睇書,《三國演義》、《唐詩三百首》,每日仲要講一個故事,由太太評論優劣,每日咁訓練,所以佢哋好細個已識寫詩,仲學習溜冰、國畫、直簫,好多傳統文化。」

湯鎮業直言「仔要嚴、女要教」,對兒子會特別嚴厲︰「我教仔要有擔當,男人一定要責任感,對國家、社會同家庭有貢獻,女仔最緊要就有氣質,咁就唔憂嫁,所以教育好重要。」

讚賢內助EQ高

太太雖然年紀比他小25歲,但湯鎮業眼中,太太很精明能幹︰「佢好成熟同世故,智慧同情商都高,兩夫婦最緊要有共同語言,彼此了解喺家庭以外嘅需要,佢好了解我形象、工作需要,工作上幫我好多。」娶得賢內助,難怪湯鎮業直言不愛夜蒲樂做住家男。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載