› 選擇地區
三藩市
紐約
洛杉磯
其他美國地區
香港 台灣 北美
 
2019年05月26日

【姐匙Talk】MM釣金龜唔受阿米媾

好多人都知「笑笑口」年紀越大,性格越變隨和,所以佢嘅朋友同粉絲越來越多。但感情路上,笑笑口的確唔係咁順利,因為佢嘅另一半「阿米」從未安份過,佢哋雖然喺埋一齊,但係阿米從冇間斷有其他女人。

記得早兩年阿米同新晉女星「MM」合作,佢對MM已經生滋貓入眼,不時喺現場主動勾搭人,當其他人透明一樣,對MM大獻殷勤,又不停約MM食飯,不過人哋已經釣到個有錢金龜,梗係咬實唔放啦,加上知道阿米已經有老婆,所以佢根本對阿米睇唔入眼,所以無論阿米點樣黐埋去投其所好,MM都冇理。

所謂搵食行遠啲,阿米媾唔掂MM之後,好快就轉咗目標,睇中咗另一新星「紅薯」,阿米同紅薯第一次見面,佢哋已經對上咗眼,簡直係姣婆遇着脂粉客,兩個好快就搭上咗。笑笑口仲矇查查以為阿米修心養性,冇出去搞搞震。

其實阿米應該明白乜嘢叫上得山多終遇虎,有乜行差踏錯點會冇人知?笑笑口原諒過佢好多次,𠵱家只係睇笑笑口嘅耐性仲可以忍到幾耐,如果阿米唔識珍惜眼前人,相信再冇人可以幫到佢。
撰文:Jessie

【姐匙Talk】
我姐匙縱橫歌影視幕後,多年嚟冷眼旁觀,娛樂圈大小事都走唔過我雙眼,歡迎大家嚟剝花生。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載