› 選擇地區
三藩市
紐約
洛杉磯
其他美國地區
香港 台灣 北美
 
2019年05月26日

趙式芝談再婚:等香港合法化先

趙式芝昨日出席香港慶祝台灣同性婚姻活動,但新歡JW未有現身。

趙式芝及王曼喜等昨日到中環大會堂出席「同慶同婚」活動,慶祝台灣同志婚姻合法化。與波爾錶太子女楊如芯離婚的趙式芝,二人都各自有另一半,趙式芝指新歡JW因怕醜未有到場。

王曼喜裸露有底線

對於台灣同性婚姻日前已合法化,趙式芝替當地朋友開心,見很多朋友領取婚姻註冊證書,問到可會考慮再婚?她說:「等香港合法化先,喺台灣冇意思,結咗香港唔會承認,而且台灣法律只接受當地人結婚,就算香港人想嫁台灣人都難,只能羨慕同戥台灣人開心。」她戥在台灣結婚的朋友開心,朋友稍後擺酒,可能會到當地參加喜宴。

王曼喜與密友Anne到場,她表示二人在兩年前的同性活動認識,已拍拖一年,對方任職設計行業,已互相見過家長,一星期也見面兩次。王曼喜表示二人未談及結婚計劃:「我哋都唔急,希望自己住嘅城市有咁嘅機會。」提到妹妹王麗嘉貼性感相到社交平台,她指Anne曾反問:「佢問我點解唔畀佢睇先,其實佢冇乜嘢,都支持嘅。」對於妹妹背面全裸引起迴響,她謂人靚多談論,而自己性感極限只能露背,若做慈善就另考慮,她說:「可以諗吓,但都有底線,問吓媽咪意見,最緊要靚。」
採訪:王連連
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載