蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月27日
馬上成為壹會員

【娛樂人物】緋聞比作品更多
王秀琳逃離是非圈

王秀琳(Mango)18歲簽約模特兒公司入行,但緋聞比作品數量還多,星途不似預期,最終撰擇離開這個是非圈。轉眼20年過去,現年38歲的Mango,離開娛樂圈剛好10年,近年她雖然轉戰飲食界,但一舉一動仍深受傳媒關注,尤其是感情生活,至今仍是娛樂版常客。

相關新聞:做生意一腳踢

現年38歲的Mango,淡出娛樂圈已經有10個年頭,日前換個角色以老闆身份接受《蘋果》專訪,Mango坦言當日決定離開娛樂圈,其中一個原因是不想再承受負面新聞,她說:「好多新聞都唔係真實,但又要忍住唔可以出聲,覺得好辛苦,都唔係做緊自己,唔鍾意點解唔可以出聲?咁我不如唔做啦!」

認處事態度差

Mango坦言自己性格太率直,不適合在娛樂圈生存,也曾經自我檢討、捫心自問過,自覺從前思想實在太幼稚,處事態度又不好,也沒有理會別人感受,容易得罪人,她說:「𠵱家諗番起都覺得自己好衰。」她續說:「我個人比較簡單,以前諗嘢好幼稚……雖然𠵱家都唔係好成熟,但諗起以前好多嘢,處事態度都唔係咁啱,好易得罪人,因為我諗到就會講,好似化妝師化完妝,我覺得唔靚就會直接講,冇理人感受,好彩以前化妝師同我熟,都知道我性格。」

雖然過去在娛樂圈的日子是非不絕,但Mango自言多數回憶都是美好的,只是淡出後多年來緋聞未停過,歸根究柢的原因,連自己也想不明白,她表示:「可能呢啲就叫一日在娛樂圈,一世都在娛樂圈啦!」Mango謂即使已不再是藝人身份,但對鏡頭依然敏感,有時出街會戴口罩,心態還是改不了,她更直言最怕被偷影,尤其是和朋友一起,不想朋友受牽連,她笑說:「咁你唔通叫朋友戴口罩咩,咁咪自己戴囉!」緋聞一單接一單,異性緣極旺的Mango帶笑自辯:「其實唔只我一個,好多藝人都有緋聞,回應就越描越黑,其實都食咗好多死貓。」她更衝口而出指曾被人出賣:「唔好講喇!所以我都好少同圈中人講心事,好多朋友都係圈外人。」

嚮往結婚生仔

近年積極開拓飲食生意的Mango,自揭有次在廚房切材料,不小心跣手切傷手指,急送院縫了8針。她強調沒想過要做女強人,自己也不恨做,只覺得任何人都要有一份工作,就是這樣簡單。問到最想做是否結婚生小朋友?她坦言:「我諗個個女仔都會嚮往,我都想快啲有呢一日。」不過,Mango表示對另一半都有要求:「最重要係大家方向一致,自己努力做嘢,都係為咗有更好生活,如果搵另一半,當然大家要有共同方向,我諗唔會有人鍾意一個日日喺屋企唔做嘢嘅人啩!」
撰文:鄉奈仁
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載