› 選擇地區
三藩市
紐約
洛杉磯
其他美國地區
香港 台灣 北美
 
2019年06月12日

進軍設計師𢱑做港姐贊助
阿佘泳衣招客

阿佘透露近日忙於在內地拍古裝劇,天氣炎熱令她感到吃力。

現年44歲的佘詩曼因為在內地宮鬥劇《延禧攻略》飾演「嫻妃」一角而人氣再度急升,除了工作量激增,同時啟發做生意的念頭,更進軍設計師行列設計泳衣,昨日她在銅鑼灣舉行宣傳活動,不過今次阿佘沒有即場上陣示範泳衣,只在社交平台上載多款泳衣相。

勾起選美回憶

提到對上一次以泳裝示人,阿佘表示已是2003年拍攝劇集《無名天使3D》,相隔足足有16年,她說:「其實我唔係好抗拒,只要係健康性感就可以,我自己都貪得意,喺泳池邊影咗幾張泳衣相。今次我設計嘅款式有三點式、有一件頭,原來設計泳衣好有學問,想像到設計之餘要實際做到,要我公開着都OK,因為甫士嘅問題,我係着三點式影相,不過睇落唔覺得係三點式。」

港姐出身的阿佘,被問到會否贊助今年港姐泳裝,她說:「呢個品牌以往嗰幾年都有同港姐合作過,今年亦有接觸,但係今年主題未定,會繼續聯絡,希望佢哋揀到啲我設計嘅款,可能我會興奮到上埋台,講講吓都勾起咗我好多選港姐嘅回憶。」

拍新劇嗌辛苦

阿佘還表示下一步將會設計童裝泳衣:「話晒我有十個契仔契女,到時候設計啲泳衣畀佢哋,仲可以一齊行騷!」至於其他工作,阿佘表示正忙於拍攝內地古裝劇《燕雲台》,今次與唐嫣合作,並於橫店、上海及內蒙等地取景,阿佘說:「天氣好熱,好似焗桑拿,仲要好耐冇試過拍打戲,感到有少少吃力。」
採訪:張俊銘
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載