› 選擇地區
三藩市
紐約
洛杉磯
其他美國地區
香港 台灣 北美
 
2019年06月17日

遊行天經地義
秋生咒林鄭:天收你

政府早前推修訂《逃犯條例》草案,引來民意反彈,上周三更爆發流血衝突,警方暴力導致多人受傷。特首林鄭月娥前日召開記者會宣佈暫緩修例時,表示警方執法是「天公地義」。黃秋生指政府處理方法不當,令事件火上加油,他更在fb咒林鄭:「天收你呀!」RubberBand成員泥鯭、DJ雲妮等也開聲:「大家一齊撐,加油!」

相關新聞:群星悼反送中墮樓男

特首林鄭月娥前日宣佈暫緩修例,卻指上周三警方以武力鎮壓清場,是理所當然、合情合理合法,「天公地義」,更稱絕對支持警方定性為「暴動」。影帝黃秋生前晚在fb貼出自己94年主演的《省港一號通緝犯》電影截圖,對白是「我們再不會自己人用槍指着自己人了」,他以英文寫道:「一直在說的,就是給和平一個機會,請記得,世界在看。」網友紛紛讚好。

秋生昨午再在fb連續貼文,他先怒斥林鄭指警方執法「天公地義」:「係『天經地義』,唔係『天公地義』呀,『區長』。可能你以為公義、公義,講慣咗,所以就『天公地義』囉,咁正義係咪可以天正地義?仁義又天仁地義?有啲嘢係唔可以自己以為係咁就隨便改嘅,例如呢個天公,我只係知,天公有眼,天公開眼。意思係同啲衰人講,天收你呀!天公開眼囉。」

香港重生的契機

秋生隨後又指香港各階層,特別是新生代,從未試過如此團結:「政府如果睇見嘅係一種對抗力量,再加埋啲無厘頭嘅幻想力,例如乜嘢外國勢力,咁我相信事情一定惡化落去,睇唔到有轉彎嘅餘地。」他又表示:「呢種市民嘅生命力,絕對係香港重生嘅契機。你打我我又打你,仇恨一定有,係咪繼續打落去,打到大家攬炒為止?」

相關新聞:孫慧雪擔心下一代

泥鯭:政府畀交代

繼上周日後,民陣昨日再度舉行反送中惡法大遊行,經過上周三的武力鎮壓後,多位藝人呼籲上街。多次站上前線參與遊行的RubberBand成員泥鯭拍片呼籲:「喺呢個連100萬人聲音都可以扮聽唔到嘅年代,大家嘅力量同聲音就更加緊要,唔好吝嗇,我哋香港人加油。」他又指:「呢個時候大家唔好互相指罵,盡做,遊行又遊行過,衝突又發生過。」至於前晚發生有男子墮樓事件,泥鯭嘆說:「我諗大家都唔想見到,反而我覺得政府係需要好嚴肅畀市民一個交代,同埋回應大家嘅訴求。」

多位商台DJ也支持遊行,雲妮錄音呼籲:「一個都不能少,大家一齊撐,加油!」雲妮表示會上街,她認為除了作為香港市民的「反送中」訴求,也希望為年輕一代的朋友打氣。小儀、少爺占、Colin等也分別在Ig呼籲上街,細So和王喜昨日更被發現在遊行隊伍當中。
採訪:皓騫
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載