› 選擇地區
三藩市
紐約
洛杉磯
其他美國地區
香港 台灣 北美
 
2019年06月20日

【人物專訪】同趙式芝分手受重傷焉知非福
Sean遇女強人新歡

前名楊如芯的波爾錶太子女楊茹庭(Sean)去年跟趙世曾女兒趙式芝離婚,經過八個月時間,Sean走出陰霾,改名由如芯變茹庭,重新出發,不但再覓真愛,近日還協助朋友搞即食鮑魚和骨膠原生意。她直言現在是人生最開心的階段,皆因遇上99分女強人伴侶。

楊茹庭原名楊如芯,日前在灣仔的新office接受《蘋果》專訪,她指新名字是父親找人改,代表心想事成,對她而言,改名有如重生:「新名係一、兩個月前改,改咗後我覺得感情同健康都順咗,好鍾意呢個新名,reborn咁。」再墮愛河的Sean,變得容光煥發,她直認心情靚:「係值得開心嘅事,之前啲唔開心過去,好感恩可以搵到一個錫自己嘅人,女友係朋友介紹,大家好夾。」Sean欣賞現任女友的細心,讚她99分:「佢好細心,亦係女強人,大家性格好夾,佢都好爽朗。」

相關新聞:同性婚姻僅七年

「無條件愛錫佢」

跟舊愛趙式芝相戀時,Sean經常於社交網放閃,但新歡就很低調,Sean說:「朋友間會一齊出去,我同佢都唔係圈中人,想低調少少,希望多啲空間。」Sean說現階段是她一生中最開心的時間,很感恩亦很珍惜︰「會諗咗人哋先,盡量無條件去愛錫佢。」Sean笑言對伴侶寵愛程度可以用「擋子彈」做比喻。據知新歡名叫Bella,Sean在facebook分享過合照,兩人早年美國相識,Bella開畫廊賣畫,由於Sean對生活品味甚有要求,所以與新歡一拍即合。

問到會否再婚?Sean指一切順其自然:「未必會咁快,相處吓先,但我冇陰影,會向前望。」Sean坦言離婚的打擊令她重傷,但感情講緣份,她表示無怨無悔:「成個人落晒形、冇胃口,好彩屋企人同朋友每日陪住我,好感恩。我要時間療傷,所以八個幾月都冇投入新感情。唔算黑暗期嘅,係失望,但唔需要嬲,緣份盡咗就要放手,呢啲係上天安排,就算大家分開咗都係朋友。」

做生意求穩陣

Sean現時除打理家族生意波爾錶,還協助父親在金邊搞房地產,但她最愛做飲食:「每個生意都要睇機會,用心做,仲要搵啱幫手,我做生意求穩陣唔冒險。」近日就與朋友賣即食飽魚,罐頭骨膠原和香檳。
撰文:比華利
攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載