› 選擇地區
三藩市
紐約
洛杉磯
其他美國地區
香港 台灣 北美
 
2019年06月20日

【揭秘】James Corden現身日本搞邊科?孖渡邊直美湯唯齊偷師解構Pitera™秘方

【特約報道】名嘴James Corden粒聲唔出忽然現身日本,唔通佢想玩轉東瀛藝能界?原來James Corden 係神仙水粉絲,今次仲專程上山拜師學藝,親身搵出神仙水經典成份嘅發源地。自己尋根都未夠,佢仲要搵埋搞笑藝人渡邊直美同靚女湯唯齊齊重返校園化身「小學雞」三人組,搞咁多嘢為啲乜?原來係要揭開美肌成份Pitera™嘅奧秘!

不過原來Pitera™嘅發現過程純屬「意外」:當年清酒釀造廠有班銀髮族釀酒師,皺紋滿面但雙手神奇「凍齡」,經過一輪研究,謎底終於解開喇!原來一切係因為釀酒過程中產生嘅酵母,引起班科學家研究酵母,千挑萬選將其中一隻酵母加以提煉同研發,最終就成為今日無人不識嘅皇牌成份Pitera™!

口講係Pitera™忠粉,但始終行動最實際,所以James決定長途跋涉飛去日本「尋根」,仲要約埋地膽渡邊直美走訪清酒釀造廠大揭秘!兩個大細路平日無時停,以為佢哋去到清酒廠肯定會搞搞震,點知兩人可能吸收咗山上靈氣,居然變身聽教又聽話嘅「小學雞」上Pitera™ Masterclass,坐定定向釀酒師虛心請教釀製生產Pitera™嘅絕密方法,仲話要親身感受下呢個原始美肌力量!

上山學滿師以為可以衣錦還鄉,點知James好好學,仲搵埋湯唯一齊入實驗室研究Pitera™成份。見二人著起白袍又拎試管又玩螢光液似模似樣,認真程度直情係化學博士上身!不過「認真」mode開動咗無幾耐,轉頭已經見佢哋開始搗蛋,先大跳一part pat pat舞battle下,之後又排排企示範「啪、啪啪」護膚大法,去到尾仲要有「彩蛋」發現美國天王級歌手John Legend亂入,究竟佢又搞邊科?

睇James加渡邊呢對搞笑孖寶已經笑到反轉,點知今次加埋平日正正經經嘅湯唯,竟然毫無違和感仲更有火花!到底三人喺日本會唔會發現咩驚天大秘密?想知就要記得追蹤SK-II Pitera™ Masterclass喇! http://bit.ly/2MUAU7i

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載