› 選擇地區
三藩市
紐約
洛杉磯
其他美國地區
香港 台灣 北美
 
2019年06月22日

【娛樂人物】姜大衛兒子姜卓文
王祖藍表弟李俊華爭入行

出身演藝世家的姜大衛和李琳琳的細仔姜卓文(細John),以及王祖藍表弟李俊華(孖八),最近齊齊參加《全民造星II》,爭入行做明星,二人強調不會靠關係出道。對於被網民批評眼細不及爸爸靚仔,細John深信做好自己,便會贏得大家的尊重。
撰文:黃曉妍
攝影:沈健程

姜卓文今年24歲,父母是姜大衛及李琳琳,姊姊是姜依蘭,姊夫是曹永廉,大伯是秦沛,叔叔是爾冬陞。細John受訪當日即場接受演技挑戰,模仿爸爸及大伯講廣告對白及做戲,沒半點怯場,他說:「爹哋個廣告睇過好多次,熟晒,至於大伯就話『你知我對眼有幾大,你要瞪大對眼,因為你對眼咁細』,所以我講到『你大我呀!』就瞪大對眼。」他說從小到大都不怯場,更喜歡模仿爸爸耍劍,讀書時曾參演戲劇和夾band。

大伯秦沛開解

對於父母在《全民造星II》官方網站呼籲大家支持自己,細John說︰「佢哋覺得如果幫我會快啲,但觀眾方面就會覺得有冇搞錯,造馬!我唔想有呢啲睇法。」他指家族盛產演藝圈猛人,難免對自己造成壓力︰「𠵱家學緊點樣將壓力變成推動力。」

細John參賽前已拍過電影《花明度》和《星塵》︰「《花明度》裏面我只係小角色,同黃又南喺酒吧打交,拍通宵戲唔覺辛苦,反而享受。《星塵》係講梅艷芳,我飾演佢徒弟。」談到參加《花明度》試鏡時被雜誌報道,遭網民狠批他眼細,不及爸爸靚仔,他直言曾為此不開心,幸得大伯和叔叔開解︰「佢哋叫我唔好聽呢啲,做好自己,好難控制人哋鍾唔鍾意你。」問到比賽勝算,他表示︰「希望入到10強,但今年參賽者跳舞勁、唱歌犀利、靚仔又大把,所以都難。」

現年36歲的李俊華(孖八)是王祖藍的表弟,身高167cm,現職機械舞導師,是《全民造星II》88號參賽者,他說:「我想玩第一屆,但上年我代表香港去國內參加節目《這!就是街舞》,後來先知道香港有《全民造星》,我覺得第一屆會馨香啲。」孖八表示曾替張崇基兄弟的演唱會擔任排舞師,更是亞視舉辦的《亞洲星光大道4跳舞吧!》冠軍。他的必殺技是跳舞:「我跳咗19年街舞,無時無刻都跳緊。」

今年榮升爸爸

孖八雖然有表哥王祖藍,但沒想過靠親戚關係殺入娛樂圈,他說:「如果搵佢引薦我入行,未必係好事,我𠵱家可以由低做起。」他謂跟王祖藍由細玩到大:「以前一齊去游水、燒嘢食,年年暑假都一齊,等佢教我做功課。」王祖藍捱了多年才出頭,問孖八可擔心自己起步太遲?他說:「我冇理呢啲嘢,因為鍾意表演嘅時候,係唔會諗自己表演到幾多歲」又指王祖藍沒有給他參賽貼士:「佢淨係叫我加油。」

孖八曾演出電影《狂舞派》,而節目官方留言中,有位女士叫他做「老公」,原來孖八已婚兩年多,今年將會做爸爸,他說:「我太太好支持我參加呢個比賽。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載