› 選擇地區
三藩市
紐約
洛杉磯
其他美國地區
香港 台灣 北美
 
2019年07月18日

書展擺攤 長者支持
阿詩新書鼓勵抗爭人士「一齊強壯」

【香港書展2019】香港書展昨日於灣仔會展開鑼,今年的風頭躉不只性感寫真𡃁模,還有一直堅持為港發聲的何韻詩。阿詩在書展設攤位,並推出新書《當你仍在這裡》,她在新書中鼓勵抗爭人士要保養身體,令自己內在更加強壯作長期抗爭。昨日阿詩現身書展宣傳新書時,除了有不少年輕人支持,更有長者fans排隊影合照。

相關新聞:Rose Ma向溫碧霞學習

何韻詩自上月逆權運動開始,一直站在前線抗爭,不過今年書展她也如常擺攤,除了發售演唱會限量CD加DVD、T恤等,還推出新書《當你仍在這裡》。昨午約黃昏5時半,阿詩現身自己的攤位為新書造勢,除了吸引不少年輕人排隊買書,當中更有長者fans排隊拍合照。

阿詩受訪時表示︰「本來呢本書大概5、6月寫,但當時市面咁嘅狀況,我一度諗住出唔到,但最後我都決定寫埋佢,呢本書係講人生遇到咁大嘅困難、咁大嘅抗爭,呢個時候我哋要好好照料自己,點樣保持心境平和,好好保養身體繼續抗爭。係個人呢5年來嘅體會同埋現實,點樣令自己內在強壯啲,而我哋大家必須去做。其實係好basic,要好強健嘅內在,可能我都要去學boxing,先可以面對咁黐線嘅世界。」

談到周日在沙田新城巿爆發的警民衝突,當晚置身現場的阿詩表示︰「我唔明政府究竟係採取個乜嘢方法處理,佢哋似乎想製造好多人反抗嘅畫面,唔明點解要逼啲想走嘅示威者去商場,要走又走唔到,仲加埋啲路人、市民,示威者唔會真係個個舉高雙手畀你打㗎!反抗係自然反應。」

戒嚴宵禁太荒謬

阿詩坦言越來越擔心:「年輕人好難好冷靜面對呢件事,作為紀律部隊要好好控制自己嘅情緒,有壓力都唔可以亂打人。」談到在遊行現場被罵,阿詩則說︰「我畀人鬧一、兩句好閒,但警方有槍、有武器,可以殺人、致命。」對於有傳政府建議分區戒嚴及宵禁,阿詩怒斥︰「如果傳聞係真就太荒謬!林鄭冇盡責任,點解佢唔好好回應大家訴求?呢個係政府問題。」

至於未來各區都有遊行,阿詩覺得是正確方法:「我哋唔可以控制輿論、傳媒,各區遊行可以畀啲平時只睇無綫嘅叔叔、嬸嬸睇到,遊行係和平同克制,只要冇警察,其實一啲暴力都冇發生。」網上有人提議在書展圍堵中資出版社,阿詩認為:「用和平方式表達,每個人都有權咁做。」

相關新聞:陳美齡浴衣谷銷量

陶傑:抗爭留場外

另外,陶傑到書展為好友劉天賜(賜官)的講座擔任嘉賓,對於有網民發起圍書展,特別是中資出版社,陶傑表示如果要抗爭,社會的抗爭應留在場外:「書展呢個場合都係一啲書迷嚟睇書,如果要走嚟圍書展我覺得唔係咁好,始終中資出版社都對文化都好有貢獻。」問到賜官有否留意反紅媒運動?他即迴避說:「我啱啱喺多倫返港,唔清楚。」
採訪:曹家誠
攝影:沈健程、林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載