› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

【娛樂人物】陳奐仁使喚智慧

陳奐仁透露早前接受DNA測試,證明音樂天份只是凡人級別,但勝在夠勤力。

現年43歲的陳奐仁(Hanjin)入行即將20周年,下月底於會展開騷慶祝,近年他被冠以「弘音教父」之名,指他的創作涉及多元化音樂元素,在不同的音樂範疇上屬領袖級人物。但原來他經過DNA測試後,只不過是個平凡人,卻也只不過比人快起步,累積智慧讓自己成功。
撰文:馬建華
攝影:仇志德

陳奐仁對於被推舉為「教父」,日前受訪時表示如今在事業上是累積了經驗、經歷的階段,他說:「我唔敢話自己係,不過當有人問我意見,我唔應該答佢唔敢當、唔好問我、我識鬼咩,咁樣我係好不負責任,因為對方想喺我身上學到嘢,我拒絕佢咪傷到佢心?」

近年擔任歌唱節目導師後,Hanjin前輩身份越來越明確,他說:「最明顯一次係拍戲時,遇到一名好後生武師,嗰場戲話佢要好激咁踩單車,但鏡頭係拍唔到下身,我就同佢講唔使死踩,佢唔聽,結果踩傷我腳趾,我就同佢講『𡃁仔聽我講……』我發覺原來𡃁仔呢兩個字係有效,原來我都已經有呢個級數同輩份,不過我唔想做老人,哈哈。」

DNA測試

Hanjin去年初操弗變成肌肉男,令不少人期待他會在台上騷肌,他直言不會為演唱會而加操肌肉,因為強求操肌,身體便不勝負荷而容易受傷,對不住入場觀眾。他更透露早前接受了DNA測試:「報告話我音樂能力係平凡一般,閱讀係輕微閱讀障礙,數學能力好少少,但運動同肌肉恢復能力係凡人之下,咁就解釋咗點解我鋼琴老師喺我到七級時叫我收山,原來我同音樂冇緣份,大學成績唔好係因為要睇筆記,而我係有閱讀障礙。」

從報告得知身體質素是凡人一個,Hanjin帶笑說:「我唯一係黐線勤力帶嚟一切,當我想做多啲多啲時,其實我能力只去到五,天才係可以去到十,可能我勤力而起步比人快,但天才最後係可以去到十,我嘅分別係起步快,多咗時間累積智慧,智慧會令我知點慳住啲力去用,所以勤力有價值,亦有代價。」

肉赤後輩

近年Hanjin極之樂意提攜後輩,但亦「愛之深,恨之切」,他說:「呢樣真係搞死我,我特別關心佢哋,搞到自己好肉赤,佢哋好唔自愛,好唔爭氣,其實只要係年輕過我哋五歲,已經幸福好多,何況年輕20歲,幸福嘅人唔會明白幸福係乜。」他指公司最近聘請了一位實習生,教導過程如拖着對方的手去做一樣,此時他表示有點想哭,全因好多年輕人明明有機遇在面前,也不好好珍惜。恨鐵不成鋼,Hanjin也自覺要學識放鬆一點,他無奈說:「我有叫自己調節吓,但依然瞓唔着,可能我30年執着、40年執着,唔可以一日就改變,畀個折扣,可能用20年,或者快啲10年去改,盡量去做。」
場地提供:好時光

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載