› 選擇地區
三藩市
紐約
洛杉磯
其他美國地區
香港 台灣 北美
 
2019年07月27日

細仔馬戲團主題百日宴
諸葛紫岐讚5歲大仔「最佳哥哥」

諸葛紫岐與丈夫薛嘉麟昨晚延開22席,為細仔搞百日宴。

諸葛紫岐(Marie)與丈夫薛嘉麟昨日在金鐘為細仔Andersen舉行百日宴,現場以馬戲團歡樂氣氛為主題,除了色彩繽紛的氣球,還有印有Andersen名字的馬卡龍、以朱古力爆炸糖製成的「雪卡」等,薛嘉麟與Marie齊齊受訪,薛嘉麟說:「今日呢個馬戲團主題,都係想一家人開開心心,因為我太太好鍾意馬戲團,仔仔又特別鍾意旋轉木馬,所以想將現場佈置成遊樂場咁,希望大家玩得開心。」

幫細佬改名

Marie表示湊兩位小朋友不太辛苦:「有第一個嘅經驗,今次冇咁緊張啊,而且細仔好好湊,但係仲未戒夜奶,𠵱家三個鐘就食一次,想四個鐘都唔得,冇覺好瞓。」問到Andersen的中文名?薛嘉麟表示稍後才透露,但指中文名是哥哥揀的:「我哋好尊重佢㗎,佢唔呷醋,又保護弟弟。」Marie接着說:「佢好開心,好錫細佬,所以我哋今晚會頒個『最佳哥哥』獎畀佢,𠵱家佢五歲,好識嘢。有次我哋去旅行落雨,佢見啲BB衫晾喺出面,自動出去幫手收衫,我覺得佢好叻呀。」

Marie已極速修身, 不過因陀B期間孕肚不夠明顯,惹來代母產子的傳聞,她說:「都幾開心呀,keep到咁嘅身材。」薛嘉麟亦為太太未有公佈懷第二胎解釋,謂只是不想太太有壓力:「第一個嗰時好大壓力,尤其生產完會有情緒波動,想畀多啲空間,等佢舒服啲。對哥哥都做咗好耐工夫,解釋畀佢知,所以哥哥錫佢都唔係必然㗎。」問到Marie的keep fit之道,薛嘉麟即搶答說:「畀晒啲嘢我食囉。」至於兩人會否再追B?薛嘉麟笑言要問細仔意見。問到Marie丈夫薛嘉麟現時排第幾位?她隨即甜笑,薛嘉麟又搶着說:「冇所謂啦,總之太太喺我心目中係排首位,我喺太太心目中有位置就得啦。」
採訪:盧妹
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載