› 選擇地區
三藩市
紐約
洛杉磯
其他美國地區
香港 台灣 北美
 
2019年08月14日

【娛樂人物】張家輝任賢齊
香港精神打到暈

張家輝(右)和任賢齊再度合作,指新片加入了西方幽默感。

張家輝和任賢齊15年前曾合演杜琪峯執導的《大事件》,今次再於警匪電影《沉默的證人》碰頭,卻換上外籍導演,注入西式幽默。張家輝在戲中發揮香港精神,讓任賢齊拳拳到肉任打,結局一場戲,小齊自言打到頭暈。
撰文:黃曉妍
攝影:陳慧安

張家輝和任賢齊早前在黃竹坑宣傳新片《沉默的證人》,15年前家輝在《大事件》演兵,小齊做賊,今次人面依舊,小齊再演匪徒,家輝就演法醫,小齊說:「今次做反派,我要同自己講做乜都係啱,喺戲入面我要追求好日子,所以不擇手段,但就撞到一個死都唔屈服嘅法醫。」

多西方幽默感

提到導演是拍過荷李活片《虎膽龍威續集》(Die Hard 2)的Renny Harlin,家輝說︰「我哋呢個故事發生喺法醫大樓,我一直被小齊追殺,我有逃走,又會設機關陷害佢,途中亦有好多西方嘅幽默感,例如有醉酒佬郭晉安走入嚟,又有MC Jin,佢帶住耳筒,聽唔到我叫佢報警。」

戲中有大量動作戲,小齊直言難度不高,但痛度很高,「我打到唔忍心再郁手,但家輝叫我嚟多個,好似最後一場大打出手,打到我自己都有啲暈,因為我哋係堅打。有個鏡頭係我一腳踢家輝落去,導演同動作指導都話OK,但家輝話不如嚟多個。」小齊坦言這是香港精神,拳拳到肉。至於香港跟荷李活導演的分別,小齊指香港導演會飛紙仔,隨時調整劇情的發展,創作較隨意,荷李活導演就好精準,會計算觀眾的心情起伏。
場地提供:海洋公園萬豪酒店

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載