› 選擇地區
三藩市
紐約
洛杉磯
其他美國地區
香港 台灣 北美
 
2019年08月14日

支持抗爭運動被秋後算賬
林秀怡遭無綫雪藏

林秀怡不怕被秋後算賬言猶在耳,現在工作全停。資料圖片

無綫藝員訓練班出身的林秀怡,連月來支持抗爭運動,犯了無綫大忌,做了六年音樂主持的她,近日卻突然被調離節目《樂勢力》,她上月20日在Ig留言表示為節目錄影最後一集,而有份演出的劇集《十二傳說》,就未有安排她出席宣傳活動。林秀怡忍不住在Ig留言:「冇表情同黑面只係一線之差,咁啱《十二傳說》嘅宣傳,得都唔會出現,惟有喺呢度同大家宣傳吓啦。」種種迹象,林秀怡似是因發聲被無綫雪藏。

未有新工作

問到突然被調離《樂勢力》會否因發聲而遭雪藏?林秀怡昨日回應傳媒時說:「唔係,純係主持調動,換吓人主持啫。」對於新劇《十二傳說》出街也不獲安排宣傳,可認為遭公司打壓?她說:「應該唔會嘅,冇乜嘢。」不過她表示現時未有任何工作安排。問到可會擔心被雪藏?她說:「應該唔係嘅,一切等公司安排。」

其實林秀怡一直支持示威者,早於6月9日103萬市民參與反送中遊行當日,她在Ig story用黑底白色字打上「6.9」,卻遭網民爆粗留言辱罵其患癌母親謂:「6你老母9,舉報你,睇你點喺TVB搵食,到時做X去幫你老母買藥。」林秀怡就回應:「其實又唔使咁激動嘅,大家都有自己睇法,不過你講到我家人,我又真係覺得你衰咗少少嘅,少少箒,唔多。」林秀怡又加上大量笑到喊emoji公仔,答得相當得體。

叫講話小心

之後響應6月12日的大三罷,林秀怡於Ig留言:「今天我休息一天。香港加油。」又無懼公司打壓,在Ig story炮轟警方在6.12使用武力對付示威者:「有冇人朋友係警察,可唔可以幫手問吓佢哋做乜X嘢,可唔可以叫佢哋解釋吓我哋做緊乜X嘢?好難忍!」事後林秀怡出席活動時被問到有否被公司照肺時,她坦言:「都有講話唔再講呢類嘅嘢,叫我小心啲,都唔係照肺,提醒一句。」但不足兩個月就疑被秋後算賬。
採訪︰魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載