› 選擇地區
三藩市
紐約
洛杉磯
其他美國地區
香港 台灣 北美
 
2019年08月14日

【藝人同悲】修哥嘆連失兩好友

胡楓

梁舜燕曾效力麗的、亞視及無綫,演過不少經典角色,在圈中人緣甚好,與梁舜燕私交甚篤的胡楓(修哥),繼前日夏萍後昨日再次收到好友的噩耗,一度難過得不能言語。

相關新聞:孻仔離世以淚洗面

胡楓:

好難過,好唔開心,啱啱一個走,今日又另一個走,都唔知幾時輪到我,人始終要去……」修哥讚梁舜燕性格溫柔,幕前幕後皆保持儀態。「佢以前教人儀態,所以佢平時都好有儀態。

契仔李克勤:

我想尊重契媽家人,有任何消息還是等他們家人對外作回答。希望他們可以節哀順變。我永遠會懷念契媽,祝福她在天國平安。

相關新聞:阿姐讚真女人典範

楊千嬅:

喺《多功能老婆》中Lily姐飾演我嘅老闆,合作期間我感受到佢嘅喊戲真係好犀利,其中有場重頭戲一齊拍,Lily姐一take搞掂,我哋喺現場都被佢感動到喊!私底下感覺佢好似媽咪咁溫柔同慈愛,對後輩好照顧。

薛家燕:

好難過,一直都想探佢,諗唔到佢咁就走咗。噚日聽到夏萍姐走,今日到Lily姐,佢哋都係睇住我大,睇住我成長,一時間講唔出嗰種難過,希望佢屋企人節哀順變。

陳煒:

最後一次見Lily姐係喺《好日子》宣傳首播飯局,當時佢好精神,所以聽到佢離世都好突然。Lily姐一向好高貴好大方,脾氣好好,又好禮貌,知書識禮,係一個人品好好善良嘅老人家。

王君馨:

你是我們的好榜樣,永遠都咁錫我哋每一位後輩。可以和你一齊拍劇是我的福份。I will always miss you my dear 三姨婆!Rest in peace!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載