› 選擇地區
三藩市
紐約
洛杉磯
其他美國地區
香港 台灣 北美
 
2019年09月25日

【馮仁昭四圍超】黎明為囡囡掃貨 衣食無憂

黎明前日被網民發現蹤影,喺商場主攻賣嬰兒用品嘅店舖出現,難得見到黎明,當然要將佢嘅相放上網開心share,網民留言:「今天明鍋鍋過來嬰童店為女兒買嬰童用品。」仲讚佢好有愛。

據網民透露,黎明當日身穿黑衫黑褲,頭戴黑色cap帽現身商場,同行唔見BB媽咪Wing,只有一個男人同行。黎明入到店舖後,第一時間走到賣嬰兒用品嘅位置掃貨,主力買奶粉等物品,估計都係買畀囡囡。雖然黎明係天王巨星,但網民指佢全程親自同店員溝通,態度親民貼地,揀完一輪後,最後買咗兩大袋戰利品走人。離開時遇到女fans,黎明就好搞笑咁將兩袋戰利品擺去身後,同女fans「Just to say hi」,之後就匆匆閃人,不過fans依然大讚偶像態度親切,平易近人。

明福俠開派對

早前擔任容祖兒紅館演唱會尾場嘉賓後,今年12月黎明將首度喺台北小巨蛋開個唱,另外前日佢喺社交網宣佈下個月31日萬聖節,會喺旺角麥花臣舉行派對,屆時佢會以明福俠身份到場,聯同歌手Auto Tom同樂隊Gingerbread現身,Hip Hop界組合代表Bakerie則會出任嘉賓。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載