› 選擇地區
三藩市
紐約
洛杉磯
其他美國地區
香港 台灣 北美
 
2019年10月21日

王宗堯Tommy身體力行支持少數族裔

王宗堯及阮民安(Tommy)昨日分別現身尖沙嘴重慶大廈,遇上大批市民上街表達訴求。其中王宗堯稱到該處支持少數族裔:「我嚟行街食咖喱,同埋快到Halloween,出嚟搵啲嘢應節,點知出到街見到好多香港人,但又唔見香港警察。」他又指見到不少南亞人士向市民派水,非常欣喜:「香港人冇分化,冇針對少數族裔,大家都係香港人。每一個種族嘅人都有好唔好,就算中國人都有好同唔好,你睇吓個啲光頭咁嘅警長,又走去開槍,所以真係唔關事。」談到19歲青年前日在大埔派遊行傳單時被襲,他怒斥:「好嬲,但又唔知點解嗰個人去自首,唔知警察會唔會好好招呼佢?我食咖喱食到一半,出面就放催淚彈,上去食埋再睇吓有冇路走。」

「陪大家走到尾」

而Tommy到現場打氣,當中有不少南亞人士,Tommy跟眾人合唱《海闊天空》,他表示:「我會陪大家走到尾,最緊要人夠多,人多就冇危險。」他又認為近日的遊行集會,無論是否獲警方發出不反對通知書,警方均會很早作出驅散行動,Tommy呼籲:「大家要小心,有時開始咗10分、8分鐘,佢哋就發癲,真係要用『癲癲哋』去形容佢哋。」談到大埔青年被襲,Tommy直言:「好嬲,咁細個,傷完人又自首,唔好用啲咁渣嘅招數,用呢啲方法諗住嚟嚇我哋,係唔會驚,我哋會繼續出嚟。」
採訪:曹家誠
攝影:陳弘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載