› 選擇地區
三藩市
紐約
洛杉磯
其他美國地區
香港 台灣 北美
 
2019年11月08日

新城取消頒獎禮 改隨機送獎

港台早前宣佈因應社會氣氛影響及考慮公眾活動安全,決定取消「第42屆十大中文金曲頒獎禮」,據知新城亦決定取消原訂於下月28日,假灣仔會展舉行的「2019新城勁爆頒獎禮」,改為「隨時隨地」頒獎。

加入數碼新科技

《蘋果》昨日向新城知訊台執行總監程凱欣求證,她在電話中表示:「正如之前所講,新城勁爆頒獎禮係會照樣舉行,不過今年頒獎模式同以前好唔同,比較破天荒,所以唔可以話某一日係頒獎日,或有一個實體頒獎典禮。」程凱欣指今年頒獎方式加入數碼元素,希望藉着新科技或數碼平台,拉近歌手跟樂迷距離:「頒獎形式係隨時隨地會發生,唔係喺一日入面發生,亦都唔止喺studio發生,亦唔排除去第二個地方發生。」此外程凱欣還透露今年有一個名為「新城至hit賞」給樂迷投票,詳細稍後公佈。

王迪詩Ig被河蟹

另外,王迪詩前晚在社交網發文,指日前在Ig貼出2015年在港台節目《我係乜乜乜》訪問陳百祥(阿叻)時的相片和留言,被Ig「河蟹」。她留言:「Ig話我昨日寫關於叻哥同阿澤辯論個post係hate speech,將我個post刪除咗。大批五毛留言攻擊我,Ig個post被佢哋report到刪咗,相信fb post被消失都不遠矣。」

而曾任中大中文系高級講師的「Ben Sir」 歐陽偉豪昨日則在fb撰文,指摘保安局局長李家超前日在立法會,稱兩萬多個市民致電報案中心求助是「濫用」,Ben Sir留言:「1個市民打2萬次999,是濫用。2萬個市民打1次999,是集體向警方叫救命。把『集體向警方叫救命』稱作濫用,是濫用『濫用』一詞。如此高官,1個月賺30萬,是濫用公帑。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載