› 選擇地區
三藩市
紐約
洛杉磯
其他美國地區
香港 台灣 北美
 
2019年11月09日

憶TVB連拍三劇辛苦爆喊
蘇玉華覺醒 關心年輕人

蘇玉華(右二)接受港台訪問,坦言因年輕人令她反思過往忽略了一些事。

持續多個月的反送中社會運動,蘇玉華勇於發聲,又曾被發現與男友潘燦良低調參加遊行。港台節目《瘋Show快活人》前日播出蘇玉華的訪問,她承認以前只顧工作而欠公民意識:「𠵱家嘅社會狀態,除非你乜嘢都唔理,你一定會不斷去問自己問題,亦希望去知多啲,喺呢個過程裏面,覺得年輕人教曉咗我好多嘢,我真係覺得『覺醒』,我唔敢講自己𠵱家知得好多或者了解好多嘢,但起碼我自己醒咗,原來我有啲嘢係咁忽略,我覺得我係有咁多嘢值得去學、去思考、去關心。」

同社會一齊行

蘇玉華覺得港人應該要有更強的連結:「唔係淨係做好自己嘅嘢,或者令自己變成一個更加好嘅人咁簡單。我係應該同個社會一齊行,而我哋除咗關心自己之外,亦都要關心下一代,我成日都覺得點解有啲人搵我做戲,我唔係一定會接,係咪會有人更加適合做?如果係嘅話,我情願畀人哋去做,因為係要接班,係要接力,係有啲人要上嚟。」
談到早年在無綫同時拍三套劇,蘇玉華自爆辛酸:「唔係話套套都好重戲,當個PA畀幾張通告嚟,我攞埋其他嗰叠通告拼埋一齊嘅時候,我喊呀,基本上你見到嚟緊嘅日子都係冇得瞓,唔係人過嘅日子,我就喺度喊,我仲係唔係喺度演緊戲?」之後她就提出簽部頭約。
撰文:陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載