› 選擇地區
三藩市
紐約
洛杉磯
其他美國地區
香港 台灣 北美
 
2019年11月22日

杜汶澤含淚講港人抗爭相扶

杜汶澤網台喱騷前晚播出特備節目《今宵多珍重》,阿澤與被捕時曾遭警性暴力對待的中大生Sonia、學生記者K同學、化名「平反六四」的前線抗爭者,討論過去五個多月抗爭經歷。抗爭者「平反六四」哽咽表示覺得對不起梁天琦,戥對方入獄不值,阿澤感動到眼濕濕。他接着說到自己講感受時,終忍不住落淚:「我認識嘅香港都係一個好冷漠嘅地方,大家都係爾虞我詐,或者諗辦法去成功,我係冇見過呢幾個月嚟,大家咁識得互相扶持。」阿澤又表示以前出街有人找他合照,但現在的途人是叫他加油,令他相當感動。

K同學談及日前見到好多人去理大救手足,但如送死一樣,覺得應該理性,又認為策略有錯,阿澤表示贊同她的講法,但就強調:「我從來都唔喺網上講呢啲嘢,唔係驚法律責任,係我一生人最痛恨就係冷氣軍師,因為我覺得我唔喺度。如果我唔喺度我唔講呢啲嘢嘅,因為冇資格,冷氣軍師衰過藍絲,但我自己覺得唔值得。」
撰文:寶妮

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載